Publishing Date: 2014.11.10

 

刊登日期: 2014.11.10

 

http://www.am730.com.hk/article-235264

香港愈來愈多人注重飲食,想嘗試食素?很多人又會覺得素菜太寡太悶,樣樣都淡而無味,但這種想法早已經out!近月,有素食者在香港開設專賣素食的超級市場、大搞素食私房菜,甚至有居港泰國人也加入行列,開設泰式素菜餐廳。識食,素菜還可以這樣食。
文:黃子配   圖:黃文山(左至右)XO醬($51.9),撈麵食夠晒香;沙茶醬($17.8),打邊爐做湯底一流;素白咖喱即食麵 ($41.2),食厭港式即食麵,不妨試試這個檳城風味的;素食咖喱磚($37.2),包裝似足日式咖喱,味道一樣甜甜哋(左至右)XO醬($51.9),撈麵食夠晒香;沙茶醬($17.8),打邊爐做湯底一流;素白咖喱即食麵 ($41.2),食厭港式即食麵,不妨試試這個檳城風味的;素食咖喱磚($37.2),包裝似足日式咖喱,味道一樣甜甜哋素.識食可以咁食


首家素食超市
香港首家素食超市「甘薯葉」老闆王世豪(Gordon)(下圖)原本經營家族製衣生意,年多前將工廠結束,轉行做食品批發及代理,更開設了全港首家素食超市,售賣數百款台灣入口的素食、包括醬料、急凍食品和零食等,將素食推廣開去。
只得三十多歲的Gordon,茹素已20年,因為母親廿年前試過連續6日發夢聽到佛偈,隨即轉食素,當時在溫哥華生活,從來沒有去過素食店的Gordon,因為媽媽的「奇遇」才開始探索甚麼是素食,「開始了解到食肉好殘忍,係剝削緊第二個生命」,半年後,當時是「食肉獸」的Gordon也成為了素食者。
曾經「一餐冇肉會發脾氣」的Gordon,現在卻稱「食素會覺得自己樸實咗」,他認為,很多人會覺得自己食素是異類,「但其實最大的障礙是自己,只是自己覺得自己怪」。近月,香港有快餐和餃子連鎖店都推出素包和素餃,Gordon覺得鼓舞之餘,亦對香港愈來愈多人食素感欣喜,「某程度上我哋(推廣素食)係一個革命。」
Gordon的台灣籍太太亦是素食者,二人年僅6歲半和4歲半的兒子自出生開始已是素食者,Gordon坦言沒有強迫兒子食素,但會問他們:「想唔想傷害動物?」懂事的兒子就會知道要尊重動物,就算大兒子很愛吃熱狗的香腸,都會知道不能吃而忍口。
超市開設在葵涌工廠區,Gordon視之為一個樣板店,用作推廣素食,未來目標在上環或銅鑼灣等地區開地舖。Gordon近日更開始和素食家合作,在超市旁的廚房舉辦素食分享班,「好多人覺得煮素難,其實易過煮肉,唔使醃同處理血」,希望可透過素食班做到教育、宣傳和分享。